Ae kaash ke ..

Ae kaash ke waqt mujhe ussi mod pe le jaaye,

jahan tum they mere naino Mein samaye,

Palkein band kar kaid karlena chahun tumhe ,

palakein kholun toh bhi saamne paaun tumhe,

Ae kaash phir wahi barsaat ho,

jahan hum tum hamesha saath ho,

tumhare kandhon pe mera haath ho,

jahan dhadhakte ho dil ek duje ke liye,

jahaan maani ho kasamein,

ham saath mare saath jiyein,

Jahaan kat ti thi raatein agle din ke intezaar mein,

jahan akele bethe muskurate they pyaar mein,

yeh jo chanchal mrig nain daata ne tumhari banayi hai,

ham doob jaate hein inme saagar jitni inmein gehrai hai,

Jaaun wahin,

dekhun wahin,

jahaan raho tum aur kuch nahi,

Tumhe jeet paana,

jaise chaand apni hatheli pe ghumana,

Haan mein jeet ke bhi haara hun,

tum bin adhura hun,

besahara hun,

Ae kaash ke tum uss waqt thehar paate,

Toh iss berang zindagi mein hum tum rang bhar paate,

Uss viraan sadak par chahal pahal paate,

Iss dunia ke liye misaal ban jaate,

Saath jeete aur saath he mar jaate

Phir inn khwahishon ko roand na sakta tha koi,

Par ab iss tute dil ko jod na sakta tha koi,

Ae kaash mujhe yaad na aati,

Woh sharmati muskanein..

Woh ithlaati baahein ...

Woh gehri nigahein..

Jo inn naino ke mudd bhare pyaale hain..

Yeh kabse hamein sambhale hein..

Lekin ab inn yaadon pe waqt ki dhool thi..

chaaha tumhe itna meine,
kya yeh meri bhool thi?

Ae kaash tumhe bhi yeh ehsaas ho..

Jab tumhare bhitar mohabbat ki pyaas ho ..

koi hamesha ke liye tumhara ho aisi tum mein aas ho,

Tumhe bhi ishq ho jaaye aisi bedili (heart less) murat se,

Jo chaahe paana tumhe sirf tumhari surat se,

Yaad toh tumhe bhi aati hongi,

woh raatein jo hamne jaag jaag ke kaati thi..

jahan mein tumhara humsafar ..aur tum meri jeevan saathi thi..

Woh ek khatti ladai ladna..

Woh ek muskan se mera dil bharna..

Ae kaash ke tumhe sab baatein yaad hoti,

Toh aaj yeh aankhein nam na hoti,

Dekho tum ro raha hun mein,

Dekho kaise sab kuch kho raha hun mein,

Ae kaash ke mohabbatein itni aasan ho jaati,

Ki mein thapkiyan deta rehta tumhe raat bhar,

Aur tum meri goad mein sar rakh ke so jaati,